બાલમંદિર એટલે શું ?
🌷બાળક શાળામાં વિધિસરનું શિક્ષણ પ્રાપ્ત કરવા આવે તે પહેલાં તેને જ્યાં પૂર્વ પ્રાથમિક શિક્ષણ આપવામાં આવે છે તેને આપણે બાલમંદિર તરીકે ઓળખીએ છીએ . આ બાલમંદિરનું શિક્ષણ તેના ભાવિ વિકાસમાં ઘણું ઉપયોગી થાય તેવું વિશ્વના ઘણા કેળવણીકારો માને છે . છતાં આ બાલમંદિરનું શિક્ષણ પાઠ્યપુસ્તકમાંથી વિધિસર આપવામાં આવતું નથી .
🌷માતાપિતાથી બાળકોને થોડોક સમય છૂટું પાડીને ઘર જેવા જ વાતાવરણમાં તેની લાગણીઓ , માનસિક શક્તિઓ , શારીરિક શક્તિઓ અને સામાજિક ટેવોનો વિકાસ થાય તેવી પ્રવૃત્તિ , રમતો અને અનુભવોનું આયોજન એટલે બાલમંદિર .
🌷બાળકો આ વિશ્વનું રહસ્યમય સર્જન છે . તેના વિકાસની પ્રક્રિયાને ધીરજપૂર્વક સમજવી પડશે . બીજમાં જેમ વૃક્ષત્વ છુપાયેલું છે . તે રીતે આ સૃષ્ટિ સાથે એકરૂપ થવાની મૂળભૂત શક્તિ ઈશ્વરે તેને આપેલી છે . તેના વિકાસ માટે સૌથી પ્રેરકબળ વાતાવરણ છે . સમૃદ્ધ વાતાવરણનું સર્જન અને સમૃદ્ધ જીવનના અનુભવોનું શિક્ષણ .
🌷તેની બે વિસ્ફારિત આંખોમાં વિશ્વને પામવાની ઝંખના છે . ધસમસતા સાગરનાં મોજાંની જેમ તેનું ભીતર બહાર વ્યક્ત થવા મથે છે . તેના શિક્ષણમાં આ બે ગુણોનો વિનિયોગ કરવો જોઈએ . તેની જિજ્ઞાસાને સંતોષવાની એક પણ તક શિક્ષકોએ જતી ક ૨ વી જોઈએ નહીં .
🌷તેને સૌથી વધારે જરૂર છે પ્રેમની , સ્વીકારની , સલામતીની અને સુરક્ષાની . માતાપિતા કે શિક્ષકોની આંખોમાં તે સલામતીની શોધ કરે છે . જ્યાં સ્વીકાર મળે ત્યાં તે પ્રફુલ્લિત રહે છે , જ્યાં સ્વીકાર નથી પામતું ત્યાં ડાળ પરથી ખરી ગયેલા પર્ણની જેમ કરમાઈ જાય છે .
🌷જે છોડ જમીનમાં ઊંડાં મૂળ નાખી શકે તે જ આકાશ સુધી વિકસી શકે , શાળામાં બાળકનું અસ્તિત્વ રોપાવું જોઈએ , ઊંડાં મૂળ નાખીને ઊગવું જોઈએ .
टिप्पणियाँ
एक टिप्पणी भेजें